رد مع اقتباس
ههههههههههههههههه
اما هذي سالينا سالفتها سالفه
ابدعت يالحوسني بانتظار احداث اليوم الثالث
-------------------------
مرحبا عزيزي الزائر يجب عليك التسجيل للتمتع بالدروس التعليميه وبقية الخدمات الاخرى.
السلام عليكم وحمة الله وبركاته
شخباركم؟
عساكم طيبين
عدنا بعد إنقطاع
طبعا الكل متشوق يعرف الموضوع
وبما إنكم دشيتو
فراح أبدا
حكايات الـ 365 ليله
كتبتهن قصيرات عشان ما أتعبكم
الليلة الأولى:
كان راشد وريم بغرفة نومهم وبجانب راشد يجلس الجد خميس وبعد لحظات من الهدوء تتكلم ريم وتقول : جدي بايين حكايه.
الجد : أبشري فالك طيب بحكي لكم حكايات الـ 365 يوم.
راشد : شو يعني؟.
الجد : أحكي لكم حكايه كل ليله لحد ما تنامو وإذا ما خلصت نكملها باليوم التالي ولحد ما نكمل 365 يوم.
ريم : يعني كما شهرزاد لاه.
خميس : هيوا.
راشد : يلا قول لنا الحكايه
خميس :
كان القاتل المأجور وأسمه مصبح الخسف يقف على سطح أحدى البنايات ممسكا بسكتونه ومترقبا اللحظة المناسبه لأغتيال كومار راجيش تاجر الذهب المشهور في مطرح
وبعد أن لاحت له الفرصه المناسبه قال : هذه نهاياتك يا كومار خذها وأنا أبو وضحه.
ويطلق الرصاص وتنطلق الرصاصه بسرعة البرق وتضرب في الكيسه الي كان شالنها والي كانت تحتوي على قوطي حل مال نارجيل.
وينتزق كومار ويركض بسرعه صوب سيكله وتنقص نعاله الزنوبه ويطيح ورصاص السكتون يتطاير حوله ومصبح يحاول يصيب كومار لكن ما فيش فايده ما يعرف يصوب تقول ثور وقاصرات عليه القرون.
ولما شاف الشرطي الي على الدراجه يشوف على المبنى الي هو فوقه خاف ويدقها شرده ويقحم من المبنى ويروح صوب الباب الخلفي ويطلع بره المبنى ويشغل الدستن موديل 89 ويضرب به ويلات ويشرد.
وتوقف الشايب خميس عن سرد الحكايه بعد ماشاف أن الأولاد نامو.
فقال : حان وقت الأنسداح فلأسكت عن الكلام المباح لأن غايتها الرقده إلى الصباح.
>>>>>>>>>>>>>>>>>>>>>>>>>>>>>>>>>>>>>>>>>
عدنا مع الليلة الثانية
الساعه التاسعه مساءاً بتوقيت بيتنا الخامسه بتوقيت جرينيتش
بعد وجبة العشاء الشهية التي تناولها الطفلين راشد وريم
ذهب الأثنان بصحبة جدهما خميس إلى غرفة نومهما.
وريم تقول : نباك تكمل لنا حكاية أمس.
راشد : هيوا لأن امس نمنا من التعب.
الشايب خميس : ولا يهمكم اليوم بنكمل قصة القاتل مصبح.
وبعد أن جلس الجميع بدا الشايب خميس بسرد بقية أحداث الحكاية.
.................................................. ..................
القاتل مصبح يدخل مقر القيادة في منظمة البعير الأسود وهي عبارة عن صندقة ومقرها في قنتب وبالتحديد خلف منتجع بر الجصه. وبعد ان دخل تفاجأ بالسنور الذي كان على الطاوله يأكل بقايا صالونة السمك يقع من على الطاولة ويضرب برأسه في الأرض ويسقط مغشيا عليه وينظر بالجهه المقابله فيرى رئيس المنظمه يضع قناعا واقيا من الراوئح ويسمعه
يقول : روح تسبح خيستنا بريحة صنانك تقول تيس ميت من يومين.
مصبح وهو طالع من الصندقه يقول : نزين تراه العملية فشلت.
وبعد خروج مصبح من المقر نهض رئيس المنظمه وأسمه سلوم الجرب والذي كان حصل على وسام البطوله وذالك لأنقاذه لكلب متشرد من الموت غرقا ما بطول عليكم المهم بعد ما نهض أتجه لهاتفه الي كان حاطه قدام تلفزيون شارب والي كان شارنه بستمية ريال.>> كأنه غني لاه؟؟
المهم كان يريد يتصل بالرئيس الكبير عشان يخبره بفشل المهمه وتذكر أن ما عنده رصيد فطرش رسالة طلب تحويل لحبوته موزه والي من وصلتها رسالة طلب التحويل ترسل رصيد 3 ريال لسلوم والي من شاف الرصيد فرح وأتصل على رئيسه خلوف السحلوف وقال كلمة السر : الديك يصيح؟
رد عليه خلوف : لا يعيط.
سلوم : هلا خلوف مو خبر ؟
خلوف : بخير هاه بشر خلصتو العمليه؟.
سلوم بأرتباك : صاه صاه ...
خلوف : مالك تصاصا مو هناك؟
سلوم : العملية فشلت.
خلوف : مو تقول كيف فشلت؟ ومصبح وين؟
سلوم : مصبح راح يسبح ما أدري كيف فشلت بس قالي كذاك وطلع.
خلوف : لازم نتخلص من مصبح.
سلوم : ليش؟
خلوف : أحتياط يمكن أحد شافه والشرطه تبحث عنه.
سلوم : زين خلي هذا الموضوع علي.
خلوف : ما يصبح الصباح إلا وهو مقتول بطريقه تبين إنها طبيعيه.
سلوم : بس تم.
وينهي الأتصال وفي باله فكرة جهنميه بدت تتكون ملامحها في عقله.
.................................................. ...........
ريم : وكومار شو صار فيه؟.
الشايب خميس :
تو بخبرك؟
.......................................
فاصل ونواصل :
في زحمة العيد من حياك نخلهن يسورنه
حنا نعرف الخط من حياك حد يتصل وحد يسوي رنه.
مع تحيات : المنقول
عدنا
.................................
كومار بعد ما نجا من محاولة أغتياله وبعد تحقيقات مع الشرطه رجع لبيته ولما شافته زوجته سالينا قالت : ليش أنته شكل هزا نمونه جاي وليش تأكير واجد وين فيه يروه هاه.
كومار : ما فيه تايم من شان جرجر سيم سيم إنتي. روهي خبري بابوه يجي منيه.
وراحت سالينا عشان تنادي بابوه ولما وصلت عند باب غرفته دقت الباب وقالت : بابوه بابوه تعال كومار يريد كلام من شان انته.
بابوه وهو طالع من غرفته : موه فيه ليش ما يخلي بابوه ينام ليش دوم كلام بابوه تعال بابوه روه مو فيه يريد كومار؟
سالينا : ما فيه سوي جرجر من شان أنا روه سوي جرجر من شان هوه أنا ما فيه معلوم مي شان أيش يريد أنته.
ويروح بابوه لداخل بيت كومار.
وفي هاللحظه توقف الشايب خميس عن سرد القصه لأن الاولاد نامو
فعدلهم ونيمهم سيده في فراشهم وغطاهم وقال عبارته المعتاده :
حان وقت الأنسداح فلأسكت عن الكلام المباح لأن غايتها الرقده إلى الصباح.
يا ترى شو بيصر في مصبح وعلى شو ناوي سلوم وعلى شو ناوي كومار؟
هذا صاه بو هنعرفه في الليله القادمه
سلملم
نلتقي بكم في الليلة الثالثه
هذه الراوية بقلم :
روح الحوسني
دمتم بودالمصدر: منتديات باقات أدبيةp;hdhj hgJ 365 d,l hggdgi hgH,gn ,hgehkdm hggdgi hgH,g] hgJ d,l p;hdhj
ههههههههههههههههه
اما هذي سالينا سالفتها سالفه
ابدعت يالحوسني بانتظار احداث اليوم الثالث
ههههههههه
مـآ شـآء الله عليك يـ آلحـوسني
خيـآلك خصب , وفكـرك جميـل
راح ننتظر بـاقي القصص
وسلامي لقلبك
▓▓▓▓▓▓▓▓▓▓▓▓▓▓▓▓▓▓▓▓▓▓▓:
آجعل نفسك وردة وضعت بين أشـواكٍ كثيرة يحاول الجميع آلأقتراب منها لكن عبثاً
فيأخذون ينشرون عنها الأقاويل
ليس لأنها سيئة
بل لأنهم فشلوا في آلوصول اليهآ
▓▓▓▓▓▓▓▓▓▓▓▓▓▓▓▓▓▓▓▓▓▓▓
ههههههههه
ما شاء الله كل هذا روح !!
بجد أنت تملك خيال واسع لو تروح تسويلنا كتاب مال حكايات
يالله نتظر الجديد راح أثبت الموضوع لشعار آخر
شكرا لك
للحياة وجة آخر
عبر شاطئ دافءالعبق
وإن أطلت الغياب
لاتظنوا بي
إني هجرتكم
فتذكروني
بدعوة صادقة
ومن حيث ينطق القلم وحي
يقرأ بمنظار آخر
في مدونتي هنا
كنت هنا
ومضيت
وردونة
ضوابط المشاركة
المفضلات